Pynrem ka RBYDSO ba thwet pathar ki pulit

Shillong, 17 Risaw:
Ka RBYDSO ka pynrem jur ia ka rukom treikam ka sorkar jylla, ban phah kem naphang iaki nongialam sengbhalang kum ki nonglehkam sniew tang namar ba ka jingiakhih jongki ban dawa ban pyntreikam noh ia ka ILP hapoh ka jylla Meghalaya.
U president ka seng Bah Dibishon Malai, u President ka seng ula ong, ba kane jingleh ka sorkar ka long pynban kumba ai ding bad ka long pyrshah ia ka riti synshar paidbah.
Namar ka jingiakhih jong ki sengbhalang ban pyntreikam ia ka ILP kam dei na bynta ka jingmyntoi jongno jongno na bynta ban iada ia ka Ri bad ka jaidbynriew, na ka jingwan tyllep ki bar jylla kiba long ka jingma ia ki trai ri trai muluk.
U la kyntu ia ka sorkar, ba ka dei ban sangeh shisyndon ka jingthwet ia ki nongialam sengbhalang bad lada ka sngewthuh ba ki paidbah ki shah ktah na ka jingiakhih ka la dei ban iaid da ka lynti kaba jai jai ban khot iakren da ka jingsngewthuh jingmut bad ki nongialam sengbhalang halor katei ka mat.