Pynrem ka PCI, ba thombor Kristan

Shillong, 23 Nailur:
Ka General Assembly ka Presbyterian Church of India ha ka jylla ka pynrem jur ia ki kheinduh jong ka kynhun lehnoh ha Pakistan kaba la thombor bad pyn iap ia 85 ngut ki Kristan kiba don hapoh ka ing mane kaba don ha Peshwar , Pakistan ha kane ka sngi u Blei.
Halor katei ka jingjia ba sngewtriem kaba la jia ha ka sngi u Blei u Administrative Secretary ka PCI u Rev VL Lauiahranleh u la ong ba ka sorkar Pakistan ka dei ba ai ka jingshngain ia ki Kristan kiba long ki rit paid ha katei ka ri khnang ba ki ba kum kine kin ym jia shuh nangne shakhmat bad ka la ong ruh ba kane ka jingjia ka wanrah ka jingshong syier ia jingim ki kristan ha katei ka Ri kaba bun na ki nongshong shnong ki dei ki Muslim.
Ka CI ka la kyntu ruh ia ka sorkar pdeng bad kiwei pat ki seng kum ka seng ba dei peit ia ka hok longbriew man briew ba ki dei ban shim khia ia kane a mat khnang ba ki kristan ha Pakistan kin ioh shong shngain.
Shuh shuh ka PCI ka la pynrem ia ki jingkren jong u Ahmed Marwat ka Jundullah wing tnad jong ka Pakistan Taliban uba la pynmih ki jingkren ba katei ka kynhun lehnoh kan dang iai bteng ia ki kam pyntriem ia ki kristan lada ka Amerika kam pat sangeh ia ki kam jong ka ha Pakistan.