Shillong: Ka Meghalaya Pradesh Youth Congress (MPYC) ia ka jing shah thombor ki khynnah pule bad nonghikai hapoh ka skul bah Jawahalal Nehru University (JNU) ha nongbah Delhi.
Kum ba shu pynkynmaw ha ka miet 5 tarik kyllalyngkot 2020 don katto katne ngut ki briew ba tap durkhmat ki la rung jubor bad sdang ban tied pynmynsaw ia ki khynnah pule bad ia ki nong hikai ka JNU bad ki la pynjulor ruh ia katto katne ki tiar jong ka JNU.
U president ka MPYC u Richard Mrong Marak u la ong ba ka jing jia hapoh ka skul bah JNU ka pyn kynmaw ia ki por synshar u Adolf Hitler hapor ka ri Germany ha u snem 1938 haba ki nong kyrshan jong u Hitler ki la sdang ban pynklumar ia ki briew ki ba pyrshah ia ka jing synshar donbor u Adolf Hitler hapoh ka ri.
“Kane ka dei thik kum ba ju leh ki samla ba kyrshan shitrhem ia u Hitler ha u snem 1938 ia ki khynnah samla ne ki briew ba pyrshah ia ka synshar u Hitler da ka ba pyntieng bad pynjulor ia ka jing shong suk shong sngain ki briew ha Germany” u la bynrap.
Na ka liang ka MPYC ka kyntu ia ki paidbah ka ri India khamtam ia ki samla ka ri ba kin ieng tylli ban pyrshah jur ia kum kine ki jing shah thombor khamtam ha ki jaka pule.
Phi don ban ong eiei?