Jowai, 11 Naiwieng:
Ka Khasi Students’ Union Jaintia Hills District Unit, ka pynrem jur ia ka Seng kieng Atiar jong ka Rilum Garo ka Garo National Liberation Army, halor ka jingsiat iap jong ka iaki 5 ngut ki pulit kynthup ia arngut ki pulit Khasi bala tip kyrteng kum u Lekichyne Ryngkhlem bad u Marshanstar Nongdhar.
’Ngi naka liang ka Seng hi baroh kawei ngi pynrem jur iaki riew kieng atiar halor ka jingsiat iap khlem don ka mynsiem isynei shuh iaki 5 ngut ki pulit kiba dang don ha lynti ban leit sha Tura’ la ong u samla Streamly S Niangti General Secy ka KSU JHDU.
Ka sorkar ka la dei ban kthong bad ban lapdien iakito kiba donkti hakaba siatiap iaki 5 ngut ki Pulit’ la ong u samla Niangti.
Ka seng ka phah ruh ka kyrwoh sngewlem lyngba kane ka khubor sha kiba haiing hasem jong kito ki pulit baroh kiba la duh ei ka mynsiem naba shah siat ha katei ka seng kieng atiar bad naka liang ka Seng ka buh ruh ka jingduwai kyrpang naka bynta kitei ki lanot ba kin ioh ban poi suk sha dwar U Blei.
Ka seng ka dap ruh daka jingsngewphylla ba kumno ba wat haba latip ba ka Rilum Garo ka dei ka thain babun bha ki seng kiang atiar ruh, hynrei la phah tang 5 ngut ki pulit naduh na Baghmara shaduh sha Tura kata ruh tang daka Gypsy khlem da pyndonkam iaka kali Bullet Proof ban iada naki kuli khlainbor ki seng kaikhlaw.
Ka seng kala ong ruh ba haba ki heh ki hain jong ka sorkar ki iaid donkam shano shano ruh la juh synran ia ki da ki phew kali ki pulit SWAT, katba ia ki nongtrei sorkar barit baria pat tang 5 ngut ha kawei ka Gypsy.
Ka seng ka dawa ruh na ka sorkar ban thung daka kynhun tohkit kaba khlain bad ka baneh haduh ban da lap dien ia ki ba donkti ym da kaba kut tang katto katne por.
Phi don ban ong eiei?