Pynrem ka KSU, ba pynpra Sohpet bneng

Shillong, 18’lyngkot:
Ka Seng Khasi Students’ Union Khliehriat Circle bad Ka KSU Jalaphet Unit kila pynrem jur  ia ki riew runar kiba donkti ha kaba pynpra ia u Duwan uba don hangtei halor u Lum Sohpetbneng ha kaba ki Jaitbynriew kiba dang ngeit ha ka Niam tynrai Niam Khasi ki ju pynlong ia ka jinglehniam lehrukom, ka nguh ka dem manla u snem ha une u duwan.
“Kane ka jingleh ki riew dusmon ka long ka jing pynlehraiñ ia ka Matti u Longshwa Manshwa jong ngi, ka long ruh ka jingleh bein iaka jing ngeit jong kiwei pat ki niam. Ngi kyntu jur ia ki riew bat ain ba kin sngew bha ban shimkhia ha kaban thwet jur iaki Riew runar kiba donkti ban leh iaka tei ka kam bad ruh ban pynshitom tyngeh ia kiba leh dusmon iakatei ka kam.” Ong ka kyrwoh bala pyllait da U Samla Streamly S Niangti President ka KSU Khliehriat Circle bad U Samla Emmon Chyrmang President ka KSU Jalaphet  Unit.