Pynrem ka KSU ba ngat MPDA ki dkhot

Shillong,12 K’lyngkot :
Ka KSU Laban Circle ka la pynrem jur ia ka sorkar da kaba kynnoh ba ka jingpynngat MPDA ia ki dkhot ka seng na Lawsohtun ka dei tang ka jingpharep bad ka jingthombor tang namarba ki dei ki dkhot ka seng. Ka seng ka la ong ruh ba kam lah ban pdiang ia katei ka jingshah pyngnat MPDA ki dkhot ka seng da kaba ong ba ka dei tang ka jingtei pop jubor ia ki dkhot ka seng.
Ka KSU ka la kdew kti ia ka sorkar ha kaba ka la kynnoh ruh ba ka la pyndonkam shilliang ia ka ain , bad ka la kynnoh ba ka ain kam treikam ia ki bar jylla wat hadien ba la kem ia kin a ki jigdonkti jong ki ha ki jingjia bapher bapher hynrei ia ki trai jylla pat la pyngnat ha ki kyndon ain bapher bapher.