Pynrem ka kashari, ia U Wahadar ba shu sieh

Shillong, 11 Nohprah:
Ka Ing bishar Division Bebch ba la khlieh da u Chief Justice ka Megha laya High Court Shillong, ka la rai rem ia u Acting Wahadar Shella Confederacy Shella u Wallam phrang Lyngdoh Maw phlang, u Acting Wahadar ba shu sieh da ka District Council halor ka jingpyn sangeh treikam jong u ia u Tobias Tiewdop bad ia ki dkhot bad ia ka Dorbar Shnong Shella hi baroh kawei.
Ka Ingbishar ka la rai ba u Acting Wahadar um don bor, donhok bad iktiar ban weng iaka Dorbar Shnong bad ia ki nongkitkam jong ka Dorbar. Ha kajuh ka por katkum katei ka hukum jong ka ingbishar badon burom ka rai pynksan jop ia ka Dorbar Shnong sha kaba pura ba la ialam da u Secretary ka Dorbar Shnong Shella u Tobias Tiewdop bad ki dkhot jong ka Dorbar Shnong Shella. Kumta ka Dorbar ba la thung bad pynskhem da u Acting Wahadadar Shella Confederacy u bah Wallamphrang Lyngdoh Mawphlang katkum ka shithi jong u kaba Dt. 4th February, 2014 ka la duh la dam bad ka la iap noh ia kaba la ialam da u Brostarwell Ora.
Ka Ingbishar ka la lap ba ka jingpynsangeh ia u Secretary ka Dorbar Shnong Shella u Tobias Tiewdop bad ia ki dkhot lem ia ka Dorbar hi baroh kawei ka long ka bymshongnia ka bym don nongrim bad kaba long be-ain nadong shadong ka long ruh kaba pynkhein iaki Riti Dustur ka shnong Shella ia kiba la ju don naduh mynshuwa. La ong ba mynshuwa ki Wahadadar kim don hok kim don iktiar ban tuklar ia ki Riti Dustur ka Dorbar Shnong Shella bad kim ju mushlia ia ki Riti Dustur ka Shnong Shella. Hynrei ha ka jinglong Acting Wahadadar ba la shu sieh daka District Council u bah Wallamphrang u la pynkulmar lut iaka shnong ka thaw shnong Shella da kaba u la mushlia bad tuklar iaki Riti Dustur ka Shnong Shella.