Shillong: Ha ka jingialang ka ba kyrkieh jong ka JAC, kaba la long mynta ka sngi palei,ka la shim ia ka rai ba kan bteng ia ka jingpynlong ia ka jingialang paidbah ha ka sngi saitjain kata ha ka 13 tarik u Rymphang 2021.
Na ka liang u nongialam ka JAC u bah Marbud Dkhar, u la iathuh ba ka JAC ka la pynpaw ïa ka jingbynñiaw halor ka jingpyn slem jong ka sorkar jylla ban pynbeit noh ïa kane ka kam kaba lah ktah jur ïa ka kamai kajih jong ki nongniah kali bad ia ka leit ka wan jong ki paidbah ka jylla. Ka JAC ka la pynpaw ruh ka jingsngew bitar halor ka jingkhot ïakren jong ka Deputy Commissioner ka East Khasi Hills District ka kong Isawanda Laloo ia ki nongniah kali, ha ka ba u la kynnoh ba ka jingkhot iakren jong ka Deputy Commissioner ka pynpaw ïa ka jingkheiñ dewthala ia ka tnad khmih ïa ki kali bad ia ka Sorkar hi baroh. U la pynshai ruh ba ka jingkyntait jong ka JAC ban leit ia kren bad ka deputy Commissioner ka dei namar ba ka jingdawa jong ka JAC, ka long beit halor ban pynhiar ia ka dor petrol bad diesel namar ba ka la ktah jur ïa u paidbah hi baroh. U la ong ruh ba halor ka jingkren jong ka Deputy Commissioner ba ka jingkren na ka liang ka Sorkar kan dei halor ka phang bai kali, ka JAC ka la pynshai ba ka jingdawa jong ka JAC ka dei ban khmih biang (Revise) ïa ka bai petrol bad diesel,ym ban pynkiew bai shong kali.
Ka JAC ka pynrem jur ruh ïa ki kynhun kiba la leit ban ia kren marwei bad ka Deputy Commissioner, ban dawa ban pynkiew ia ka bai shong kali kaba long khong pong ia ki jingdawa jong ka JAC.
Nga da sngew dei shi sha namar ki driver ki kwah ban ia khih ban kiw bai Kali ym ban pynhiar ia ka dor ka umphniang lada ki ia khih ban hiar dor ka umphniang ngi kloi ban kyrshan, hynrei I mat ki ne driver tang shu ong pynkiew baikali ki lah kmen sahuh, phi kwah im Tang phi seh ngi ngi lap noh, na ei ken ngin ioh ka bai kali ka kiw dor ka bai bylla ka neh ha juh, nga kyrpat jur ia ka sorkar, ba Kan ym pynkiw ia ka bai kali lada phi don jing i synei ia ngi ki ba bylla mynsgi bam da miet khuble shibun