Pynrem ka iing bishar, ba leh kynshlein ia ka khunruit

Jowai, 9 Jymmang:
Ka iing bishar kaba donburom jong ka Jowai District Session Courts ka la rai ban pynrem ia uwei u Shaibor Lyngkhoi halor ka jingdonkti jong u ban leh khlem akor bad leh kynshlien iala ka khunruit kaba dei ka khun jong ka hynmen I lok jong u hi.
Katkum ka rai jong ka iing bishar, u Shaibor u la hap ban siew 25 hajar tyngka bad lada um lah un hap siew ia ka kuna un hap ban shong phatok sa 6 bnai nalor ba u la dep shong lypa la 3 snem 1 bnai hapoh jail ha ka por ba ka jingbishar ka dang iaid.
Dei ha ka 3 tarik u Iaiong, 2014, kawei ka longkmie na ka shnong Ummulong ka la wan ban ujor sha ki pulit jong ka Ummulong Outpost kaba hap ha Jowai Police Station ba u hep kynsi jong ka, u Shaibor Lyngkhoi u la leh khlem-akor bad leh kynshlien ia ka khun kynthei jong ka kaba dang 12 snem ka rta.
Halor kane ka jingujor, ki pulit ki la kem bad tohkit bniah ia ka jingjia bad lyngba ki sakhi sabut kiba biang la phah sha ka iing bishar bad na ka liang ka iing bishar hadien 3 snem 1 bnai, ka la lah ban pynmih ia katei ka rai ban pynrem ia utei u runar.