Pynrem ka FKJGP ia U Prof Das

Shillong, 28 Nailar:
Ka Seng FKJGP Mawlai Circle ka la pyn rem jur ia u Prof. A.K. Das jong ka tnat Mathema tics Department, NEHU, ia ka jingjrong kti ia kawei na ki samla pule Research Scholar hapoh NEHU Mawlai Umshing Mawkynroh. Ka Seng ka dap da ka jinglyngngoh kaba khraw ba kat une u Proffessor uba wan ha kane ka kam ban hikai hynrei u long pynban kum u riewkhlaw bad u maw jynthut uba nud ban jrongkti pynban ia ki samla pule ki ba mut ban pyndep ia la ki jong ki jingpule.
Ka seng ka pynpaw ia ka jingbitar ia une u bar jylla bad ka ai jingkyrshan pura ia ka North Eastern Hill University Research Scholar Committee (N.E.H.U.R.S.C) ia ka jingdawa ka jong ki na u Vice Chancellor ban weng kam mardor bad beh noh shisyndon ia une u bar jylla napoh ka University. Ka Seng ka kyrpad jur ia ki bor ba halor jong ka N.E.H.U ba kin leh tyngeh ban ym ailad ne ai jaka ia kum kine ki jait briew ba kin ioh jaka rieh namar ka long kaba ma ia ki samla pule hapoh N.E.H.U bad kumjuh ruh ia ka shnong ka thaw kiba marjan.
Ka Seng ka maham jur ia kum kine ki jait briew kiba poh bad kiba nud ban leh ia kum kine ki jaitkam la kadei iano iano ruh ka seng kan ym map bad kan leh da kaba tyngeh lada lap. Kane ka long ka kyrwoh na u ES Cajee bad Bah M Dkhar.