Pynrem ka FKJGP ba pynrung vote bar jylla

Shillong,7 Naiwieng:
Ka FKJGP Nongthym mai Circle ka la pynrem jur ia ka jingpynrung kyrteng thep vote ia ki bar jylla hapoh ka Dorbar shnong ka Ma danrting.
Haba pynrem jur ia katei ka jingpynrung kyrteng thep vote ka seng ka la kyntu ia ki ia ki bor ba dei peit khamtam ia ka Election commission ba kan shimkhia halor kane ka kam.
Ha kajuh ka por ka seng ka ai iaka jingiaroh sha ka Dorbar Shnong Madanryting kaba la shim khia bad peitngor halor kane ka jingpynrung kyrteng thep vote bad ka Seng ka kyntu ruh ia kiwei pat ki Dorbar Shnong ban long kiba peitngor halor kane ka jingpynrung kyrteng thep vote jong ka Election Commission.
Ka Seng HANM East Khasi Hills Body ha ka kyrwoh ba la pyllait paidbah ka la pynpaw ba ka ai jingkyrshan ba pura ia ka dorbar shnong Madanrting kaba la pyrshah ia ka jingpynrung kyrteng thep vote ia ki shipai GTC bad ki bahaing ha sem jong ki. Ka seng ka la dawa ruh na ki bor bahalor ba dei peit ia ka elekshon ban weng noh ia ka kyrteng kitei ki briew.
Ka HANM ka la byrngem ba kan nym ailad lano lano ia kum kitei ki jingpynrung kyrteng beain ha ka electoral roll ka jylla, ka seng ka jingai jingkyrshan met bad mynsiem ia ka dorbar shnong madanrting ban pyrshah ia katei kaba la jia ha u pud u sam ka shnong madanrting, ong ka kyrwoh na u S Kharjana Asst. Secretary HANM East Khasi Hills.