Pynrem ka BJP ia ka kam thombor ia ki kynthei

Shillong, 12 ’lyngkot:
Ka BJP Meghalaya ka la pynrem jur ia ki kam thombor pyrshah ia ki kynthei ha ka jylla.
Ha ka jingpynlait khubor mynta ka sngi, ka BJP ka la ong “Ngi dawa ba ka sorkar ka dei ban buh noh mardor ia ka Fast Track Court ban pynsted ban ai ia ka jingbishar hok ia kiba iakynduh ia ka jingshah thombor bad ruh ban pynshitom ia kiba donkti”.
Ha kajuh ka por, ka la dawa ba u Myntri Rangbah u Dr Mukul Sangma u dei ban weng mardor ia u myntri tnad kam pohiing ka jylla u Bah HDR Lyngdoh khnang ban pynlong ia ka jingtohkit kaba laituid.
Ka jinglong loi loi ka sorkar ban ai jem ia ki kam thombor pyrshah ia ki kynthei kynnah ka pyni ba ka sorkar kam don kano kano ka jingkitkhlieh. Ka la ong ba lada la don kine ki Fast Track Court ka jingbishar kan long kaba la sted bad ban tian bishar ia kiba donkti ha ka poh ka ain POCSO khnang ban khang lad ia ka jingsniew.