Shillong: Ka HNLC, ha ka kyrwoh jongka, mynta ka sngi, kaba la pynmih ha ka peij jong U bah Sainkupar Nongtraw, General Secretary bad Publicity Secretary, ka pynrem jur, halor ka jingthombor jong ki pulit ia ki riew paidbah, kiba pyrshah, halor ka jingnang pynheh ia ka karkhana dewbilat ha Thangskai, East Jaintia hills.
Ka HNLC, ka pynrem jur, ia katei ka jingleh jong ki pulit, ba la ialam da U SP, uba dei u bar jylla.
Ka HNLC, ka pynsngew, ia ka jingdonkam ban pynkut noh ia ka jingsngewiapher hapdeng ki para Hynniewtrep bad ka HNLC, ka shim, ba ka sorkar, ka shim ia ka buit ban pynpait jaitbynriew bad ban ioh synshar suk bad kaba dei kaba la synshar, da kiba bun ki bym dei satia ki paid Hynniewtrep. Ka HNLC, ka pynsngew, ba ka donkam ban sangeh, na ka jing ialeh pyrshah iwei ia iwei pat bad ka khot ruh ia ki pulit, kiba dei na ka jaitbynriew Hynniewtrep, ba kin iada, ha ka jaka, ba kin bom kin shoh pynban bad ban pynsngewtynnad ia ki kynrad jongki bad ki heh saipan, kiba na shabar jylla, ong ka kyrwoh.
Ki sngi jingjynjar jong u paid HYNNIEWTREP ki lah sdang.
ka dei ka kamram Jong ngi ki khun samla ba ngi mih sha khmat bad leit sei ia kitei ki Briew kiba don kti ban pynshit bad ban Phah bom ia u paitbah