|
Ka Hynniewtrep Achik National Movement ka lapynrem jur halor ka jing shah shoh haban da iap jong u rangbah pulit home guard u bah Dismarlin Lyndoh lyngkhoi ha ki nongniah trok ki ba dei ki bar jylla.haba ia kren bad u Rupang u president ka HANM u la ong ba ia ka ne ka jing jia ka seng kam lah ban pdiang da leilei ruh.“Kumno tang ki driver ki shoh ia u home guard u ba la rangbah briew na ka liang ka seng kadawa ia ka sorkar bakan kem ia baroh ki ba don kti bad ban pynshitom kat kum ka ain,”la ong u bah Lamphrang Kharbani u President ka HANM. Kat kum ka jing iathuh u President ka HANM laong ba u bah Dismarlin Lyngdoh Lyngkhoi haka por 11baje mynmied u la leit ban khang ia ki driver trok bakin ym hylla shuh hynrei ki la shoh ia u haban da mynsaw jur. La pynkit ia u bah Lyngkhoi sha Dr J R Gordon Hospital Jaiaw ban ioh ka jing sumar, hynrei bala jur palat ka jingmynsaw une u rangbah ula khlad noh. Ki pulit lashim ia kane ka case bad la pynkit noh ia kamet jong une u rangbah sha Shillong Civil Hospital ban leh ia ka post mortem. Kat kum ki bahaing ki la ia thuh ba ki dei ki nongniah trok jong u Marwari supply khaw, ki don ki haduh san ngut ki ba shoh ia une u rangbah. Ka seng HANM ka dawa ba ki pulit ki dei ban kem ia baroh san ngut ym tang ban kem tang arngut. |
Phi don ban ong eiei?