Pynrem jur bad dawa kem ka Congress Sohkympor, ia kiba pyniap ia ka khynnah skul

Shillong: Ka Sohkymphor congress unit, ka pynpaw da ka jingsngewsih halor kane ka jingshah batbor ka khynnah skul ha ki runar bad pyniap dusmon ia ka.

Ka Sohkymphor congress unit, ka pynrem jur ia kane ka jingjia ka bym ju jia mynno re mynno ha ka shnong baroh kawei. Te kumta na ka liang jong ngi ka unit ka kyrpad jur ia ki bor jong ka ain ban thwet jur ia kine ki runar bad pynshitom ia ki katkum ka bor jong ka ain.

Kumjuh ruh na ka liang u waheh Shnong barim jong ka Sohkymphor Poh Mission U Ma Kalbot Suchiang uba dei ruh u Treasurer Jong ka Sohkymphor Congress Unit ula pynrem jur ruh iakane ka jingjia bad ula pynpaw ruh ia ka jingsngewsih halor kane ka jia ka bym ju jia mynno re mynno haka shnong jong ngi. U dawa jur ruh na ka bor jong ka ain ban kem ia kine ki nongleh bymman bad pynshitom ia ki da kaba tyngeh, ong ka kyrwoh ba la pyllait da u Ma Chielang Lyngdoh, President ka Sohkymphor Congress Unit.