Pynrem ia kiba thombor lum jingtep

Jowai:
Ka Seng khihlang bad ka Seiñ Kyntu Seiñ Raij 12 – Daloi, ka pynrem jur ia ki riew runar kiba leit thombor ia ka lumjingtep briew ka Sengkhasi Maw laingut, Lum diengiei East Khasi Hills District.

Kine ki runar kiba kyrteng u Rgh, Jostiss Kharpran ha ryngkat bad ki paralok jong u ki la thombor ia kane ka lum jingtep jong ka Seng Khasi Mawlai ngut, ha ka 20tarik Risaw 2020, ha ka por 3:00 baje nohsngi, ha kaba ki la pom ia ki dieng bad pynpra ia ki kynroh jong ka lumjingtep.

Na ka liang jong Sengkhihlang bad ka Seiñ Kyntu Seiñ Raij 12 Daloi, ka pynrem jur ia kane ka jingleh runar jong kine briew ki byn don shuh katta ka mynsiem ia sngew para briew, kumta ka Sengkhihlang bad ka Seiñ Kyntu Seiñ Raij 12 Daloi ka kyrpad ia ki bor jong ka aiñ ban thwet bad kem bad pynshitom ia kine ki runar katkum ki kyndon jong ka Aiñ, ong ka khubor na u Rgh, S. Sari uba long u Publicity Secretary jong ka Sengkhihlang bad ka Seiñ Kyntu Seiñ Raij 12 Daloi.