Pynrem ia ka jingjia ha Smit

Shillong,23 Nailar:
Ka lympung lumkur Dhar/Nongdhar, Shillong ka sngewbynniaw bad sngewkhia shibun halor ka jingjia ha smit ha ka miet 16tarik u Nailar 2013 ha kaba lai ngut ki briew ba kynthup ia uwei u kur Nongdhar kila duh noh ia la ka jingim ha ka jingshshbom ha u paid bhur na ka daw ka jingsuba menshohnoh. Ka Executive Komiti jong ka kur kaba la ia kynduh ha ka 21 tarik mynta u bnai ka pynpaw ia ka jingsngewkhia bad sngewbynniaw ba kum kitei ki jingjia ki jia ha kane ka juk ba la shai bad ha kaba bun na ki briew ki la nang la stad bad nang tip briew.
Ka Executice Komiti da kawei ka jingmut ka la pynrem jur ia katei ka jingjia bad kyntu ruh ia ki bor ain ba dei ban tehlakam ia kum kitei ki rukom pyniap da ka jingiabom shnong khlem da bishar shuwa ia ki shu suba, katkum ka kyrwoh na u Bah F Dhar, publicity Secretary Lympung Lumkur Dhar/Nongdhar.