Pynrem GNLA, ka Catholic Association

Shillong, 9 Jylliew:
Ka Catholic Association of Khasi & Jain tia Hills, kaba la iakyn duh ha ka Sngi Saitjain, ka 7 tarik u Jylliew, 2014 ha iing u Archbishop, hangne ha Shillong, hapoh ka
jingpyniaid jong u Chairman jong ka, u Bah J A Lyngdoh, ka la pynrem jur ia ka jingpyniap bein bashyrkhei bad bym don mynsiem briew ia ka kmie ki saw ngut ki khun ba dang lung bad balui-lui, ka Josbina Sangma, ia kiba la kynnoh, la leh da ka seng lehnoh ka Garo National Liberation Army (GNLA), ha ka 3 tarik u Jylliew, 2014 ha ka shnong Chokpot ha Garo Hills.
Ryngkat bad ka jingpynrem jur jong ka ia kane ka jingleh batriem bad bashyrkhei, ka Catholic Association ka la pynpaw ia ka jingsngewlem jong ka na ka bynta ka longiing jong kane ka longkmie. Ka la kyntu ruh ia ki bor sorkar ban thwet bad ban kem ia kito kiba la leh ia kane ka kam dusmon bad ban ai ka jingsaja ia ki katkum ki kyndon jong ka ain. Ka seng ka la pynlong ruh ka jingduwai na ka bynta ka jingjahthait ka mynsiem jong kane ka longkmie bapli bad na ka bynta ka jingtngen jong ki bahaiing hasem, khamtam na ka bynta ki
khun ba lui-lui jong ka.