Pynrem bar jylla ka KKHA

Shillong, 30 Naitung:
Ka Khun Kynthei U Hynniewtrep Association (KKHA) ka la pyn rem jur ia ka jingshah thombor jong ki pulit ka KHADC bad ki nong thoh khubor ha ki bar jylla kiba hiar thma ha kane ka sngi Thohdieng ba la dep.
Ha ka kyrwoh ba la pynlait, ka general secretary ka Kong Sha mila Jyrwa ka la ong ba ka jingnud jong ki bar jylla ban pynmynsaw ia ki nongtrei ka KHADC bad ki nongthoh khubor ka la pyni ia ka jingleh donbor ha kane ka ri.
Ka seng ka pynrem jur ruh ia ki shi kpa shi khun u Paul Leong bad u Kimfa Marbaniang kiba la wan ban thombor ia ki briew ka KHADC bad ki nongthoh khubor da kaba ialam ia ki bar jylla khyllah jait.
“Kane ka jingleh jongki ka pyni ba kim burom ia ki briew ka ain ban leh dondor, bad ka Council kam dei ban kynran dien”, la ong ka seng. Ka la ai mynsiem ia ka EC ba la ialam da u Bah Ardent M Basaiawmoit bad u Bah Latiplang Kharkongor ban trei na ka bynta ka jaitbynriew, la ong ka seng bad bynrap ba ka jingleh jong kane ka EC ka long ka kaba kham pher kaba la leh haba kiwei ki EC kim ju nud ban leh ban kyndang ia ki bar jylla.