Pynrem ba thombor ia ki hep rit

Shillong, 24 Naitung:
Ka Chairperson ka State Commission for Protection of Child Rights (SCPCR) Kong M Khar kongor, ka la pynrem jur ia ka jingshahthombor bad shah leh tohmet ia ki heprit ha ki nonghikai, kiba jia ha Andhra Pradesh bad Kol kata ha kine ki khyn diat sngi bala leit.
Ka Chairperson kala pynpaw ia ka jingkyndit ban iohi kum kine ki jingleh tohmet bad pynshitom beiñ ia ki heprit ha kine ki ar tylli ki Jylla bad ka la kyntu ia ki bor khmih jong kine ki Jylla ba kin kem bad pynngat ia ki briew ba donkti ha ki kyndon ba tyngeh jong ka Aiñ.