Khliehriat: Ka seng Meghalaya People’s United Front-East Jaintia Hills District (MPUF-EJHD) ryngkat ka MPUF-Khliehriat Circle, hapoh ka jingialam Bah Michal Chyrmang, ka pynrem jur ia ki briew kiba pyniap ia u Sonarious Chyrmang ba na ka shnong Mynthlu kaba hap hapoh East Jaintia Elaka Sumer.
Ka seng mar ia ioh ia ka jing ujor na kiba haiing u (L)Sonarious Chyrmang uba dang hapoh ka rta 20snem mar kumta hi ka seng ka la ai jingmut ban buh da ka jingujor, pyrshah ia ki saw ngut kiba kyrteng kum u Memon Latam,u Hemon Latam,u Shaniah Latam bad u Lambas Lamurong kiba na ka shnong Mynthlu bad kumjuh ruh ka seng ka kyrpad bad dawa jur na ki bor ka ain ban pynhap da ki IPC ba tyngeh ia kitei ki sawngut khnang ba kiwei ruh kin tieng ban leh bymman ia kiwei. Katkum ka jingiathuh kiba haiing u (L)Sonarious Chyrmang ba ha ka 4tarik Nailar, kitei ki saw ngut kila shoh la bom ia u (L)Sonarious haduh ban da jem jai bad haduh bym tip briew shuh bad ha ka 10tarik, ki bor pyniaid ka NEIGRIHMS kila pyntip sha kiba haiing u (L)Sonarious ba u Sonarious Chyrmang uba thiah pang hapoh ICU NEIGRIHMS u la khlad na kane ka pyrthei.
Kitei ki saw ngut ki la phla ruh ia katei ka kam bymman jong ki ha khmat ka Dorbar Shnong Mynthlu ba ki donkti ban pyniap ia u (L)Sonarious Chyrmang bad ha katei ka jingphla kitei ki saw ngut la sakhi lang ruh da u waheh shnong u ma Preting paslein bad ryngkat ka jingdonlang u Secretary ka Shnong Mynthlu u ma Iarless Lyngdoh, ryngkat ka jing don u Secretary VDP Shnong u ma Hammoi bor langwar,ryngkat ka jingdonlang u president ka VDP Shnong u ma Kansha Salahe bad ki dkhot shnong bad haka jingdonlang ki katto katne ki nongshong shnong ka shnong. Kaba sngew phylla watla kitei ki saw ngut kila phla iaka kam bymman jong ki ruh, hynrei na ka liang ki nongkitkam Shnong kim shym la pyntip sha ki bor ka ain.
Phi don ban ong eiei?