Pynrem ba pyniap ia U Bah Mangkara

Nongpoh: Ka Dorbar shnong Klew, ha Ri Bhoi, ka la pynrem jur halor ka jingshah pyniap ia u Bah Mangkara Khymdeit, u rangbah na ka shnong Klew bad uba la shah bom iap mynha ka miet 9 Tarik ha shnong Klew.
Haba pynrem halor katei ka jingshah pyniap bein ia u Bah Mangkara, u Rangbah Shnong ka Klew, u Bah B. Sten, u la ong ba ka shnong ka kyntait war halor ka jingshah kynnoh ba dei ki paidbhur ka shnong Klew kiba la pyniap ia utei u rangbah.
U la ong ruh ba ka shnong ka sngewsih jur halor katei ka jingjia, namarkata ka shnong ka pynrem jur ia kitei ki briew kiba la donkti ha ka ban shoh bad bom iap ia u Bah Mangkara Khymdeit, ha kaba ka shnong hi ka sngew ba ia katei ka kam la leh da ki riew thrangsnam bad kiba la kwah ban pyniap briew, hynrei kaba la shah pynthoh bria pat ia ka shnong Klew hi baroh kawei.
Namarkata, ka Dorbar shnong Klew ka kyntu ia ki bor ka Ain ba ki dei ban kem lut ia baroh kiba al donkti ha katei ka kam pyniap briew bad ba ki dei ruh ban ai ia ka jingpynsaja, katkum ka kam kaba ki la leh, u la bynrap.