Pynrem ba kem ia u heh KSU

Shillong, 6 ‘lyngkot:
U President ka Khasi Student’s Union(KSU) North Khasi Hills District u samla F Kharkamni, ula pynpaw ba ka seng ka pynrem jur ia ka jing iai bteng jong ki pulit ban kem ia ki dkhot jong ka seng bad ban pharep jubor kaba bym shongnia eiei ruh em.
U nongialam ka KSU North Khasi Hills, u ong ba ka seng, ka sngew lyngngoh, ba wat haba ki sengbhalang kim buh satia ia ki jingiakhih da kaba burom ia ka sur jong u Myntri Rangbah ka jylla, hynrei ha ka miet sngi saitjain, ki pulit ka Ri Bhoi, ki leit ban khynra ia ki iing jong ki nongialam hapoh ka Ri Bhoi District bad kem ruh ia u samla H Wahlang na iingsah jong u kaba don ha Killing.
“Lada kane ka rukom ka iai bteng ka pynpaw ia ka jinglong arsap jong ka sorkar bad ki bor jong ka ain ban shu kem bad pharep ia ki dkhot jong ka seng bad na ka liang ka seng ngim ym lah satia ban pdiang ia kum kane ka jingleh arsap bad ka pynbitar arshah”.