Pynpra ki nongñiah trok ia ka khyrdop khrong khajna ha 13 mer

Shillong, 12 Nohprah:
Ki nongniah bad ki nongbud trok ki la leit khynra mynta ka sngi ia ka khyrdop jong ka Meghalaya Transport Department kaba don ha 13 mer ha surok bah Meghalaya –Assam. La ong ba katei ka jingmih ryntih ki nongniah trok ka dei namarba ka jingbitar hadien ka jingshah shoh uwei u nongniah trok ha ki shipai BSF.
La ong ba uwei u nongniah trok uba la tip kyrteng kum u Ballabh Singh bad u khun jong u ki la shah ktah kti ha ki shipai namarba kim treh ban siew ia ka pisa ba khrong be-aiñ na katei ka khyrdop. La iathuh ba ki nongniah trok kiba la khie bitar ki la leit pynpra ia ka khyrdop kaba don hangtei bad ka la jan mih ruh ka jingiapyni bor hapdeng ki trok bad ki shipai BSF hynrei la lah ban tem noh ia katei ka jingjia da ka jingwan poi kloi u SP ka Ri-Bhoi district ha katei ka jaka.