Pynpra ka bor district ia ka iing dara shah thngan ka MPUF

Jowai, 25 lyngkot:
Mynta ka sngi ka bor District West Jaintia hills, ka la pynpra ia ka iing dara shah thngan kaba la thaw da ka MPUF.
Ka Bor District ka la shim ia kane ka lynti ban pynpra ia katei ka iing Dara kaba don ha MTC stand Iawmusiang Jowai, ba la shna da ka MPUF na ka bynta ban pynlong ia ka jingshah thngan ki nongialam bad ki dkhot jong ka MPUF, halor ka jingdawa ban pynneh ia u DC ka WJH, u Arun Kr Kembhavi ia uba ka sorkar jylla ka la rai ban pynkynriah kam na kane ka District.
Ki pulit ka nongbah Jowai ha ryngkat ka jingiadonlang u ADC,ma CS Laloo, u SP ka WJH, R Muthu, u Addl. SP, u  ma Shempang Syrti nalor kiwei kiwei ki heh District ki la wan ban sakhi bad ban iadonlang ha katei ka jingpynpra ia katei ka iing dara beain jong ka MPUF.
U ma CS Laloo u iathuh ba kane ka long halor ka rai  jong ka bor District hadien ka jingailad ia ki ban shong kyllain myngngor ha phyllaw u DC na ka bynta lai sngi, hynrei ki la bteng ia kane ha MTC stand khlem ka jingioh bor na ka bor District.