Pynpra iing ka Cantonment, ujor ki trai iing sha u Lat

Shillong, 06 K’lyngkot: Ki trai iing ha thain Jhalupara kiba shah
pynpra ia ki iing jongki ha ka Shillong Cantonment Board mynta ka sngi, ki la ujor sha u Lat ka jylla u V Shanmu ganathan ba un tuklar lem ia ki ia kane ka jingleh ka Cantonment.
Ki don kumba 25 tylli ki iing ki la shah pynpra ha ka Shillong Cantonment Board, ki la ujor sha u Lat ka jylla da kaba kam ba ki don ki sakhi satar ban pynshisha ia ka jinglong trai jongki ia ki jaka, kiba sah ha jaka ka Laljhari Devi la kumba 55 snem hynrei ka Cantonment ha kane ka sngi Balang ka la wan ban pynpra kynsan khlem kano kano ka jingtip lypa. Ki la kyrpad ruh ia u Lat ba un buh sngi lashai ban iakynduh bad ki ban batai bniah halor kane ka kam. Kine ki briew ki la thmu ban leit ujor sha ka High Court ban pynsangeh ia kane ka jingshah khynra hynrei namar ba ka don shuti kim lah ban leh ia kane. “Ngi dei tang ki nongbylla sngi bad ngim don lad shaei ban leit namar ba ngi dei ki nong-India, kyrpad ban iarap lem ia ngi khamtam ha kane ka por khriat.