Nongpoh:Ki nongkitkam ka Dr. DD Lapang Foundations, myn hynnin ka sngi ki la leit ban sam mar bam sha ki briew kiba don ha Bethany Hospital Outreached kaba don ha Nongpoh, kaba long kum ka jingleit iarap ia ki briew kaba kynthup ia ki nongpang bad ki Nongsumar, kiba la sahkut ha katei ka jaka sumar, kata hadien ba la mih ka hukum ba baroh kiba don ha katei ka jaka sumar kim bit ban mih shabar, kaba dei ruh lyngba ka jingbthah na ka sorkar jylla.
Kumba ka long mynta, ki la don kumba 120 ngut ha katei ka jaka sumar, kaba kim ioh shuh ban mih na katei ka jaka sumar, kaba long ruh hadien ba dangshen u trai jong katei ka Hospital u la khlad noh hadien ba u la ioh ia u khniang jingpang COVID-19.
Haba leit ban sam mar bam sha ki briew kiba don ha katei ka Hospital, ki nongkitkam ka Dr D.D Foundations, kaba la ialam da u Bah Charles Marngar, MDC ka Mawhati Constituency, Ka Kong W. K Blah lem bad kiwei ki nongkitkam, ha kaba ki la lah ban iarap da ki marbam kiba kynthup naduh u khaw, u phan, pylleng, ka umdih, u dai bad kiwei kiwei.
Phi don ban ong eiei?