Pynphai u nongrep ia ka pisa kaba T.2,000 na ka skhim u myntri rangbahduh, pan bor ban pyniap noh ialade

U nongrep na Agra, uba la dap ram haduh niuh mat, ula pynphai noh ia ka pisa kaba ula ioh T.2,000, kaba ula ioh na ka skhim  Pradhan Mantri Kisan Samman Nidhi scheme bad ula pynphai ia katei ka pisa, sha u myntri rangbah ka   Uttar Pradesh, U Yogi Adityanath. Utei u nongrep uba rep phan, ula pan ruh na u myntri rangbah ia ka euthanasia lane ka kynja dawai ka ban pyniap noh ia u.

U Pradeep Sharma, uba 39 snem ka rta, u iathuh ba ula pynphai noh ia katei ka pisa kaba T.2,000 bad ula ong ruh ba lada u myntri rangbah, um lah ban iarap ba un rep kham bha, u dei ban ai jingmynjur ba un pyniap noh ialade bad utei u nongrep, u iathuh ba u don ha ka ram kaba T.35lak kaba u dei ban siew.

U Pradeep Sharma, u iathuh ba u sah ha ka iing kaba u shu shim wai lem bad la ki jong ki khun ki tnga bad u iathuh ba ka long kaba da eh than, ba un pynbiang ia ki jingdonkam jong ka iing jongu ha kine ki sngi.

“Ha U Nohprah ba ladep, nga la leit sha Delhi bad nga la ia kynduh ia U Radha Mohan Singh, hynrei nga wan phai da ki kti kiba thylli” ula ong.