Pynphai iing ka KSU South Khasi Hills, ia ki bar jylla ki bym don ia ka Work permit

Shillong: Ka Khasi Students’ Union (KSU) South Khasi Hills Unit, hapoh ka jingialam jong U President, U samla Reebokstar Diengdoh, hynnin ka sngi ha ka por kumba 3 baje noh phai sngi, ka la ioh ban pynphai iing kumba khyndai ngut, ki bar jylla kiba wan ban trei khlem ka work permit, hapoh ka shnong Sohra bad hadien ba la tohkit ia kine ki briew la ioh jingtip ba baroh ki dei kiba wan na Karimganj district jong ka jylla Assam.

Kumta, ka seng ka la pynphai biang noh ia ki sha ka jaka ba ki wan bad ka buh ruh ka jingmaham kaba tyngeh ia kito ki contractor; kiba ju mlien ban wan ialam ia ki bar jylla, ba kin pynbiang beit da ka work permit jong ka jylla, lem kumta ka seng kan ym shim ka jingkitkhlieh.