Pynpep U Amit Shah, ia ka jingwan Shillong, byrthen u heh ULFA ia ka ain CAB

U Amit Shah, myntri kam poh iing ka India, ula pynpep noh ia ka jingleit jongu sha ka prokram jong ka North East Police Acadamy (NEPA), ha Lad Umsaw, Shillong. U Shah, un pynlut por noh sha ka jingleit sha Jharkhand lashai bad ha ka Lah Sngi U Blei, ong ka khubor.

Ha kawei pat ka khubor, U Arabinda Rajkhowa, nongialam ka ULFA, kaba iakren iasuk mynta bad ka sorkar, ula kren paidbah, ha ka jingialang jong ka AASU, mynta ka sngi bad ula kren shai, ba na ka liang jong ka ULFA, kan nym ailad satia ban pynurlong ia katei ka ain ha Assam. “Katei ka ain, ka thmu ban thombor ia u paidlang trai shnong jong ka Assam bad ngin nym shah ba kan trei kam ha kane ka Jylla, da kumno kumno ruh” ong U Rajkhowa. U paidlang ka Jylla, ula ia khun naduh u snem 1979 bad ngin iai iakhun ia kino kino ki bor, kiba thmu ban pynjot ia ka ri baieid jongngi” ula ong.