Nongpoh: Ha ka General Executive Meeting, ne ka jingialang jong ki nongialam ka Umsning Constituency People’s Forum (UCPF) ka kaba la long mynhynnin ka sngi ha Nongthymmai Umsning, ki la pynpaw ba ki kwah ba u Bah Sunshine Makri ba un iakhun na ka tiket United Democratic Party (UDP), ha kane ka ilekshon 2023 na Umsning Constitunecy.
Na ka jingkren jong ki nongialam ka UCPF, ki la pynpaw ba katei ka jingialang, ka dei tang na bynta ka jong kito ki nongialam na ki unit jong ka UCPF ha ki shnong bapher bapher hapoh ki shnong kiba don ha Umsning Constituency.
Halor kate wat ki nongialam ka UCPF, ki la pynpaw ba katei ka jingialang, kam dei ka jingialang paidbah, hynrei ka dei tang ka jingialang kaba ki na ki Unit bad kaba ki phah ban wan tang 7 ngut na kawei ka Unit, hynrei watla kitei ki paidbah kiba la wan ha katei ka sngi, ki kwah ba u Bah Sunshine Makri ba un ioh ia ka tiket UDP na Umsning. Halor katei ka jingangnud, ki nongialam bad ki nongkyrshan ka UCPF, ki la shanniah ha u Bah Sunshine Makri ba un pynioh ia ka Tiket UDP na Umsning, khnang ba kaei kaba ki angnud kan wan urlong bad ba u Bah Sunshine Makri un jop na Usning Constituency.
Kane ka dei ka master plan ban pynrem ia u khun bad u kpa namar ki ioh ba u kpa u Don ka chance ban jop na 6-khliehriat