Pynpaw jingsngewsih ka Elaka Darrang ia ka jingduh noh uwei na ki rangbah

Shillong: U bah Pyrwa Lymba, dalloi ka elaka Darrang ha ryngkat ki paitbah, ki pynpaw ia ka jing sngewsih kaba khraw halor ka jingkhlad noh I bah Francis Lamin uba long teng kum u secretary ka elaka la kumba ar phew san snen eiei.

U Dalloi u la iathuh ba une u rangbah u la noh synniang shibun sha ka imlang sahlang hapoh ka elaka, u long ruh uba trei shitrhem bha na ka bynta ki kam ka elaka bad ha kajuh ka por u long ruh u nong ai buit ai bor ia ka elaka ha baroh ki liang bad ki paitbah baroh ki niew burom bha ia une u rangbah ha baroh ki shnong bapher bapher kiba hap hapoh ka elaka.

Ka jingkhlad jong u ka wanrah ia ka jingduhnong kaba khraw bad ka elaka ka phah ia ka khubor sngewlem sha ka ing ka sem jong u bad kitbok kitrwiang ruh ba u Blei Trai kynrad un pyntngen ia ka mynsiem ba la mong jong ki baroh.