Pynmih result biang por ka NEHU

Shillong: Ka North-Eastern Hill University, ka la ju pynmih result ha U Nailur/Nailur man la u snem, hynrei ha kane ka kynti, la iathuh ba palat 90 percent na ki result, la pynmih ha shwa ka 9tarik Naitung 2019 bad ia kiwei pat kiba sah, la iathuh ba yn pynmih ha ki khyndiat sngi ban sa wan.
La ong shuh shuh ba ia kito ki samla, kiba khmih lynti ban ioh ia ki result jongki kham kloi, kumta ka long ka jingmyntoi kaba khraw, haba ki result jongki, ki mih dang kloi bad la iathuh ba ka NEHU, ka don jingthmu ban bteng ia katei ka rukom trei kam jongka, kumba ka long ha kane ka snem bad la iathuh ruh ba ia ki result, yn ioh na ka website www.nehu.ac.in.