Shillong: Ka ophis jong ka Deputy Commissioner, East Khasi Hills, myn hynnin ka sngi, ka 2tarik Jymmang 2021, ka la pynmih ia ki jingbthah halor ka jingplie ia ki dukan kiba kongsan, naduh ka 1tarik haduh ka 10tarik Jymmang, 2021.
La bthah ba ki dukan die dohkha, kin plie naduh ka por 7baje mynstep, haduh ka por 7baje mynmiet, lait tang ha ki Sngi u Blei. Ki dukan die soh, kin plie pud sngi, naduh ka por 7baje mynstep, haduh ka por 7baje mynmiet, ha kaba kin plie 11 tylli ki dukan ha ka shisngi bad la aiti ha U Syiem Mylliem, ba un long U Incident Commander, Zone-IV ban pynbeit ia ka jingplie kitei ki dukan.
La bthah ba kitei ki dukan, kin pynbeit ia ka jing ia shong jngai, hapdeng ki nongthied jingthied, ki briew kim dei ban ia khublei kti, kim dei ban ia kdup iwei ia iwei pat. Ki nongthied jingthied ki dei ban deng mask bad ki dei ban da sait ia ki kti jongki ruh. Ki nongdie dukan, ki dei ban deng mask, kaba sop ia ka khmut, shyntur bad ki tmoh ruh kumjuh. La aiti ia U Syiem Mylliem, ba un dain kuna, ia kito ki bym bud ia kitei ki kyndon bad kiba biah ha ki jaka paidbah. Ki dukan ki dei ban bthah ia ki nongthied, ba kin wan rah ia la ki pla bad ba kim dei ban pyndonkam da ki plastik bad kim dei ruh ban shong slem ha ki dukan bad dei ban pynshlur ia ka jing ia die ia thied kaba khlem donkam ia siew da ka pisa kot, ban nym don ka jing ia jan bad ki nongthied.
Dukan hardware ruh Dy bn plie te khnag bn ioh Trei