Pynmih kot U Bah Bindo shaphang ka Mother Teresa

Shillong, 5 Nailur:
Ka kot Khasi halor ka jingim bad jingkyntang Riewkhuid ia ka Mother Teresa, kaba kyrteng ‘Ka Mother Teresa: Ka Riewkhuid Ki Barangli,’ ba la thoh da u Bah B.M.Lanong, uba la iakynduh ia ka Mother Teresa markhmat ha Calcutta, ka la mih, ha kaba la pyllait paidbah da u Parish Priest Fr. Richard Majaw, ha Ingmane Bah Cathedral Laitumkhrah, ha ka sngi kyntang Riewkhuid ia ka Mother ha ka 4tarik Nailur 2016.
Kane ka kot ka kynthup ia ka shithi ka Mother Teresa kaba ka la shyit ia u Prime Minister Morarji Desai ha u snem 1979, halor ka jingthmu ka sorkar jong u ban pyrkhing ia ka jingmane Blei laitluid, ia kaba la tyrwa ha Dorbar Lok Sabha da u MP O.P.Tyagi.
Don ruh shibun kiwei ki bynta ki bym pat mih ha kano-kano ka kot, shaphang jong ka haduh mynta.