Pynmih hukum khang trok kit dewiong ka NGT

Shillong, 07 Jylliew:
Ka hukum ba la pynmih da ka National Green Tribunal ha ka 31 tarik u Lber 2016 ba yn nym shah ban khaii ia u dewiong ha shwa ka 15 tarik u Jymmang , 2016 bad ba baroh u dewiong yn shim da ka sorkar bad sa die lilam katkum ka ain kaba hap ha ka kyndon ban iada ia ka mariang bad kumjuh ban iada ia ka jingpyn jakhlia ka ban mih na u dewiong da kaba sait lane die.
Ha kane ka bynta u Deputy Commissioner, East Khasi Hills District, Shillong u la pynmih ia ka hukum ba yn ym shah ia ki trok kit dewiong ban iaid hadien ka 15 tarik u Jymmang shwa ka shiteng miet. U Deputy Commissioner u la bthah ruh ba baroh ki nongkhaii dewiong ban bud ryntih ia ki ain ki kyndon lym kumta kin ngat ha ki jingpynsaja.