Shillong: Hadien ka jing iohi ia ka jing buh jong ki seng saiñ pyrthei ia ki jingthoh ba iadei bad ki kam parti ha shwa jong ki prokram, naduh ki saiñ board,ki lama,ki phlek bad kiwei kiwei ha kiba bun ki bynta jong ka nongbah shillong, kumjuh ruh ha ki byn ta ba pher ba pher jong ka distrik,wat la ha dien ba la kut ki pro kram ba ki la pynlong, ka pynkulmar jingmut ia ki paidbah ha ka nongbah.
Ha kaba la lah ruh ban iohi ia ki jingthoh ba la ai da ki seng saiñ pyrthei la buh ha ki jaka paidbah khlem da ioh jingbit na kito kiba dei khmih ka lah ban long kaba sniew.
La iohi ruh ba ha ki jaka ba long trai da ka sorkar la buh ia ki jing thoh kum ki phlek bad kiwei kiwei, kiba long pyrshah ia ki aiñ jong ka tnat pyniaid elekshon.
Ka jingbuh ia ki jingthoh ka long kaba beaiñ, khlem ka jingbit na ki bor pyniaid distrik, kum ka Deputy commissioner (Election)East khasi hills district bad kiwei pat ki tnat sorkar.
Kumta haba iadei bad kane, la bthah sha baroh ki seng saiñ pyrthei ba ki pan jingbit lyngba ki jingthoh ha shwa ba kin buh ia kino kino ki jingthoh ba iadei bad ki kam parti bad kin weng noh ruh ia kine ki jingthoh ba ki wah, hadien ba ka prokram ka la dep.
Ka jingbud ryntih ia ki jingbthah jong ka tnat elekshon dei ban pyntikna, katkum ha hukum jong ka ophis na ka por sha ka por.
khamtam ka NPP kaba lah shu sieh lama kat shaba liet
Dei ban khang lut ia ki lama ne ki jingthoh jong baroh ym ban khang tang kiba don shabar jong ka sorkar wat ia ka sorkar MDA ruh dei ban weng lama NPP UDP PDF SHPDP
Ki dang don sa kiwei pat ki mat kiba nga kwah ban pashat jingmut ia I kong laloo
Dei ban khang lut ia ki lama ne ki jingthoh jong baroh ym ban khang tang kiba don shabar jong ka sorkar wat ia ka sorkar MDA ruh dei ban weng lama NPP UDP PDF SHPDP