Shillong: U Symbud myntri rangbah ka jylla, u Bah Prestone Tynsong mynta ka sngi u la iathuh ba ka sorkar jylla ka la pynlut ban ia khun pyrshah ia ka khlam Covid-19 ha ka jylla na duh u bnai Lber haduh u bnai Nailur ka la kot sha ka T.399 klur .
Haba ia kren bad ki lad pathai khubor na ka liang u bah Prestone Tynsong, u la iathuh ba naduh u bnai lber haduh u bnai Nailur ka sorkar ka la dep ban pynlut T.399 klur ha kaba ka la dep ban siew T. 251 klur bad kaba dang sah mynta ka long sa T.148 klur. U la ia thuh ruh ba ka sorkar Jylla ka la ioh ia ka jingiarap na ka Sorkar India naduh ba sdang kane ka khlam haduh mynta ka long T. 48 klur bad ia kine baroh yn sa paw ha ka kaiphot jong ka Controller Auditor General (CAG).
U bah Tynsong u la iathuh ba hapoh ka National Health Mission kum ka jinglut ha ki Ambulance, ka Corona Center, ki PPEs ,Surveillance, labs ka kot sha ka T.188.9 klur. Hapoh ka tnad Director of Health Services la pynlut ha ka ba iadei bad ki ka jingpynbiang ia ki Machines kum ki oxygen Cylinder BP monitor ,Ventilators ,thermometer, ply mask, surgical glove Thermal Scanner T.82.4 klur.
Hapoh ka Chief Minister Special Grant ha ka ban siew ia ki briew ki ba sah shabar ka jylla bad ka bai leit shaw ia ki briew ki ba wan phai sha ka jylla bad ka jingpynbiang ia ki jingle test ia ki ka la kot sha ka T.14 .7 klur. Ha poh ka Chief Minister Relief Fund ban thied ia ki Ambulance bad ban pynbiang ia ki Bio medical waste plant, ban pyniaiad ia ki Community Quarantine Center ka la kot sha ka T.7.4 klur.
Ha ka Tnad labour lyngba ka Chief Minister Against Wages Lost ha ka ba ki la ai jingiarap ia ki briew kiba bylla sngi palat ia ki 2 lak ngut ki briew ka la kot sha ka T.51 klur. Hapoh ka MLA skim lyngba ka SRWP la pyllait ia ka pisa ka ba long T.25 lak uwei u MLA bad kane ka la kot sha ka T15 klur.
Na ka PM Care kum ka jingpynbiang ia ki jingbam ka jingsumar ia ki nongtrei bylla kiba dei na kawei ka jylla ka la kot sha ka T3.5 klur. Hapoh ka District Mineral Fund kum ka ban buh ia ki relief Camp, Screaning Center, District Quarantine Center T.8.9 klur.
Hapoh ka SDRF Fund ban thaw ia ka jaka test Laboratory, ban pynbiang ia ki tiar ban test ki PPEs ki thermal Scanner, Storage plant hapoh Hospital,ban thaw ia ki Containmment Zone ka la kot sha ka T.23.7 klur. Hapoh ka tnad pynroi sor ka jingpynlong ia ka jingsynreit dawai ha kylleng ka jylla ha kaba ki la pynlut T.3.5 klur.
Phi don ban ong eiei?