Jowai, 11 Naiwieng:
Ka Meghalaya Editor’s & Publisher’s Association, Shillong kala pynlong ia ka ‘Workshop on Journalism’ kaba shisngi kaba long kum shi bynta ia ka sngi rakhe ‘National Press Day’ ka ban long ha ka 16 tarik mynta u bnai. Ka Workshop ka long na ka bynta ki nongthoh khubor ka ri lum Jaintia da ka jingiarap ka District Administration, West jaintia Hills District bad la pynlong ia kane ka jingai jinghikai ha DC ophis Conference Hall ha kane ka 09.11.2013.
Ha katei ka sngi la wan ban ia don lang ka kongsan Smt D.D Syngai EAC West Jaintia Hills ki dkhot ka MEPA naduh u bah R.M Shabong President MEPA uba long kum u Chairman, u ma C.H Passah, Workshop Coordinator,MEPA, bah George B. Lyngdoh General Secretary MEPA, u bah R.Nongkhlaw DIPR, Shillong Meghalaya, ma H.H Mohrmen President MASCOM ma M.M Thaiang Editor Chitylli 7 Trep bad kiwei de.
La ioh ia ki jinghikai ba khambniah na ki ar ngut ki Editor ka Meghalaya Time u Deepak Sing Jt. Editor Meghalaya Times & Member MEPA bad na u Lecturer ka Mass Media u bah T. Lim Editor Meghalaya & Member MEPA. Kiba la ai ia ki jinghikai ia ki nongthoh khubor ha kano ka rukom ban thoh ia ki khubor khlem da ktah ia kiwei bad niew shiliang, khnang ban shakri ka ba kham bha ia u paidbah ka jylla bad da kaba pyndonkam ia ki ain jong ka rukom thoh khubor.
Ka kongsan haba kren ka la iaroh shikatdei eh ia kana ka Association kaba la lah ban pynlong ia kane ka jingai jinghikai ia ki nongthoh khubor ka ri lum Jaintia namar ba ka kam thoh khubor ka long kawei na ki lad ai jingtip kaba kham kloi ia u paidbah ha ka imlang shalang bad ia ka ioh ka kot jong ka ri, i la kyntu ruh ia ki nongthoh khubor ba kin long shisha kiba ia, ia ki jingtip kaba paka ia u paidbah bad ha ka juh ka por kin long kum ki nuksa ia kiwei.
Phi don ban ong eiei?