Shillong: Ka Confederation Of Meghalaya Social Organisation myn hynnin ka sngi ka la pynlong ia ka shongkyllain mongor (Stay of Road) ha ka ba ki paidbah palat da ki hajar ngut ki la mih ban iasnohkti lang ha kane ka shongkyllain mangor ha pdeng ka surok ha Mawlai nongkwar petro pump.
Kane ka long kum shibynta na ki jingiakhih ki ba ka shim ia ka sienjam ban pynpaw ia ka jingpyrshah ia ka jingpynlong ain ia ka Citizen Amendment Bill bad ban dawa ia ka Inner Line Permit.
Ha shuwa ka Stay off Road, na ka liang ka COMSO ka la pynlong ia ka jingialang paidbah ha kaba baroh ki nongialam, ki longkmie longkpa ki samla kynthei, shynrang da kawei ka sur ki la pynpaw ia ka jingpyrshah ia ka CAB bad dawa ruh ban pynlong ain noh ia ka ILP.
Na la liang u Robertjune Kharjahrin u chairman ka COMSO haba ai jingkren halor ka jing bym lah jong u Lat ban soi ia ka MRSSA kaba na ka liang ka Sorkar jylla ka ladep phah la palat shibnai u la ong ba u Lat um dei ban ialehkai ia ka jait bynriew jong ngi ,u la kylli ruh ba u dei u ei u ta u Lat u ban wan batai stad ia ka jingsynshar jong ngi.Ka India ka dei ka ri ka ba burom ia ki jait niam,u la ong ruh ba soi noh mardor ia ka ordinance bad un da u ladep soi u dei ban mih noh shisyndon na kane ka Jylla jong ngi namar ka Jylla kam donkam ia u kum u nominal head.
U la ong ruh ba lada ka Sorkar India ia ka Manipur ka lah ban ai ILP tang arsngi te ba lei kam lah ban ai ia ngi ki nong Meghalaya kane ka jingleh jong ka Sorkar pdeng ka mut ba kam khein ia ngi ba ngi dei ki nong India.
Phi don ban ong eiei?