Shillong,11 Nailar:
Ka Ignite Young Mind ha ryngkat ka jing ia treilang bad ka Khasi Students’ Union Mawkyrwat Circle ka la pynlong ia ka 4th Ignite Young Mind Career Guidance Pro grame ha Mawkyrwat ha ka 9 tarik mynta u bnai. Ia kane ka prokram ai jing hikai la bei tyngka da ka P.A.Sangma Foundation. Ha katei ka prokram la wan ban ia shim bynta da kiba bun tylli ki skul napoh ka shnong Mawkyrwat. Ka thong jong kane ka prokram ka long ban ai jinghikai ia ki samla pule ba kin nang ban jied ia ki tnad pule katkum ka jinglah bad ka jingmon jong ki.
La pyniaid ia ka jing ialang da u Forwardman Nongrem, President KSU Mawkyrwat circle, u Samla Robertjune k jahrin bad u Samla Kitboklang Nongphlang ki la ai jing kren ban ai mynsiem ia ki samla pule bad ban ai mynsiem ia ki ban jied ia ki tnad pule ba ki sngewtynnad bad khamtam eh ba kin trei shitom.
Ha katei ka sngi u James Sangma, MLA u la long u Kongsan bad u la kyntu jur ia ki khynnah pule ba ki dei ban treishitom ha ki jing pule, ki burom ia kino kino ki kam ki ba ki trei bad kim dei ban lehrain ban trei ia kino kino ki jingtrei, ki dei ban pule ia ki tnad pule baki ieid bad ki sngewtynnad bad khamtam ki dei ban jied ia ki tnad pule ba ki kham suk ban ioh kam ioh jam.
U samla Banshaikupar Mawlong u la long u Resources Person ban aijing hikai halor ki Conventional course bad u samla E Warjri u la ai jing hikai halor ki Vacational Courses. Katei ka prokram ka la ai jingmyntoi shibun ia ki khynnah pule katei ka thain. Ka KSU Mawkyrwat Circle ka pyntip ruh ba ka la shna la ka jong ka Career Guidance Cell ha kaba kan ai jing mut bad iarap ia ki samla pule kumno ba kin jied bad ioh jingtip shaphang ki tnad pule bapher bapher, kumta kino kino ki skul lane ki samla pule ki ba don kam ki lah ban ia kynduh ia ki nong ialam ka seng bad ka seng lyngba kane ka cell kan iarap katba lah ka bor.
Phi don ban ong eiei?