Khliehriat: Ka Umlyngsha Youth Society And Sports Club (UYSSC), Elaka- Lakadong, EJHD kum shibynta ka Youth Week Programme 2019 jong ki Khun samla jong ka Shnong ka la sdang shwa da ka Jingjngi um (Swimming Competition 2019) ha ka Wah Sailynter kaba don ha Shnong Umlyngsha.
La pynlong ia kane ka jingjngi um ha ka 05tarik une Bnai Nailur kum shimbynta ban wad ia ka sap ka phone jong ki Khun samla hapoh Jong ka Shnong khamtam ha ka Liang ka jngi um bad ha kane ka sngi la iawan shim bynta haduh 10ngut ki samla ha ki kyrdan bapher bapher.
Kumta ha ka kyrdan ki khynnah rit (Sub-junior) la ioh rah namjop ba nyngkong da u Samla Lephimon Lamare, ha ka kyrdan ba ar la ioh rah da u Samla Enormous Lamare, bad ha ka kyrdan ki khynnah ba khamheh (Junior ) la ioh rah namjop ba nongkong Da u Samla Heibormi Talang, ha ka Kyrdan ba ar la ioh Da u Samla Shanbor Lamare bad nangta ha ka kyrdan ba hehduh (Senior ) la ioh rah namjop Da u Samla Nidahun Lamare, kyrdan ba ar da u Dunishwa Lamare.
Ia kane ka programme la wan sakhi ruh ryngkat u Rimiyo Shylla uba long u nongaibuit Jong ka East Jaintia Hills District Swimming Association (EJHDSA) kum u Resources person bad ha kawei Liang khnang ban ioh jied ia ki samla ban leit iashim bynta Sha ka Meghalaya Swimming Competition 2019 kaba Pynlong Da ka Meghalaya Swimming Association (MSA).
Ha kane ka sngi la jied ia ki lai ngut ki khynnah samla ban leit shim bynta ha katei ka jngjngi um kaba la long naduh mynhynin 16th-17th une Bnai Nailur ha shillong bad kine ki long ki samla ba la shah khot -: 1.Shri.Nidahun Lamare (Senior), 2.Shri.Heibormi Talang (Junior ) bad 3.Shri.Lephimom Lamare.
Kane ka long katkum ka khubor kaba pyllait lyngba u Samla N.L.Talang, Genl.Secretary UYSSC, EJHD.
Phi don ban ong eiei?