Shillong 14 Nohprah: Ka Pesara Piano Studio ka ba la seng bad dei trai da i kong Arki persara Langstieh mynta ka sngi saitjain ka 14 tarik Nohprah 2024, sa shisien ka la pynlong ia ka program ban tem Piano.
Ka jingthmu ban pynlot ia kane ka program ka long, ban hikai bad ban kyntiew ia ki samla pule ba kin long ki nongtem shimet shimet ban tem bha ia ka piano, ban sngewthuh bad sngewtynnad ia ka jingrwai katba ki dangnang ia ka.
Ha ka jingiakren bad ka kong Arki persara Langstieh ka ba dei ka nongseng ia kane ka Persara Piano Studio ka la iathuh, ba la seng ia kane ka studio myn ha ka 28 tarik u Risaw, 2018. Ka la ong ruh, ba ka Persara piano Studio ka ai jinghikai ban tem piano kaban pynsngewtynnad bad ban pynbha ia ki samla pule kiba naduh 4 haduh 20 snem ka rta.
Ka jingthmu ban pynlong Ia kane ka program tem Piano ka ba man la u snem ka long, ban pyni ia ka sap jong uwei pa uwei u samla pule naduh ki samla kiba dang sdang haduh ki samla pule kiba la nang la stad,la ong ka kong Arki persara Langstieh.
Ka Kong Arki persara Langstieh ka la ong ruh, ,ba ia Kane ka program la ju pynlong beit man la u snem naduh ba la seng ia ka khnang ba Kane kan pynshlur ia ki khynnah bad ban ai mynsiem ba kin nangban tem bha. Ha Kane ka sngi ki khynnah ki ia tem beit tang ia ka piano, ha kaba ki ia tem beit iwei hadien iwei pat haduh ban da dep.
Ia kane ka program tem piano la pynlong ha State cantral Library, Shillong ha ka ba la iashimbynta haduh 40 ngut tam eiei ki khynnah rit bad ki samla ha ka jingiadonlang ki longkmie, longkpa, ki ba shah khot sngewbha bad kiwei kiwei de.
Shuh shuh ka Kong Arki persara ka la iathuh, ba mynta i lah ban buh da ki khynnah lajong ban iarap ha kaban hikai lang ia ki khynnah ba dang shu wan thymmai.
“Ha kaba iadei bad ki khynnah ba don ia ka sap tem,ka Kong Arki persara ka la ong, ba kin pyndonkam hok khnang ba kin lah ban tem bha bad man ka sngi bad don ruh ki ba kham jaituh ki ban tem, hynrei Lada ki lah ban leh bad tem man ka sngi kan karap shibun bad kadei ruh kawei kalad aikam aijam Lada ki pyndonkam hok”.
Phi don ban ong eiei?