Ka dorbar Lok Sabha ka la thnam mynta ka sngi, haba U MP jong ka seng RLP, uba dei na kajuh ka kynhun bad ka seng BJP, ula dawa ban tohkit, ba ioh u khniang jingpang Corona, u wan pur na ka shnong ka Sonia Gandhi, kaba dei ka nongialam jong ka seng Congress, namar ba kiba bun ki briew, kiba ioh pang ki dei kiba na Italy.
La iathuh ba ki don 14ngut ki nong Italy kiba don ha India, kiba ioh ia katei ka jingpang Corona bad U MP ka Rajasthan, U Hanuman Beniwal, u dawa namarkata ban tohkit, ia utei u khniang jingpang, u wan na ka shnong jong ka Sonia.
Ka jingkren U Beniwal, ka la pynkhih bitar ia ki dkhot jong ka seng Congress, kiba la tur sha pdeng jong ka iing bad ki la ia hylla kyrkait bad ki la tar ruh ia ki kot ki sla bad katei ka la pynlong ban hap ban pynwai shipr ia ka iing dorbar Lok Sabbha.
Phi don ban ong eiei?