Pynlong jingialang ki nonghikai

Shillong,17 Naitung:
Ka synjuk Ki Nong hikai “Meghalaya Upper Primary School Teachers Association (MUP STA), Khliehriat Unit, ka la pynlong ia ka jingia lang jong ka ha ka 9 tarik mynta u bnai Govt. L.P School Khlieh riat East, East Jaintia Hills District ha ka por 11:00 myn step. Ia ka jingialang la pyniaid da u bah Silas Sutnga u ba long u President jong ka thain Khliehriat la kum ba hynriew ne hynniew snem ei ei. Ha katei ka sngi la sakhi lang da u bah E.G.War, Organizing Secretary, MUPSTA State Level bad bah P. Mylliem Pdah Genl. Secretary, East Khasi Hill District.
Ha katei ka jingialang, la pynskhem ia ki nongialam ba thymmai jong ka East Jaintia Hills District Khliehriat na ka bynta ka samoi trei kam jong u snem 2014-2017. Ki nongkitkam ki kynthup ia u bah Evident Chadap Manner, President, Genl. Secretary- bah Pyrkhatbha Siangshai, Finance Secretary cum Treasurer- kong Helmilinda Pdang bad Advisor bah Silas Sutnga bad kiwei kiwei pat ki kam ba dang thylli ryngkat ki Executive Member ka Unit kan sa jied ha kawei pat ka jingialang ka ban sa long shen.
Ha katei ka jingialang iakren ruh ia kiwei kiwei pat ki kam jong ka seng khamtam kumno ban pynsngewthuh ia baroh ki nonghikai kiba don sha katei ka thain ban long kiba ia tylli shitrhem bad wan sha khmat ban iatreilang da kawei ka sur khnang baki nonghikai ki lah ban pynurlong ia ki jingduna jong ka seng ban pyllong “Provisionalsation” noh ia ka kam jong baroh ki nonghikai skul ha ka jylla baroh kawei.