Pynlong jingiakhih ka MPCC, ba shah batbor ka samla lud ha UP

Shillong:Myn hynnin ka sngi, ka Meghalaya Pra desh Congress Committee ka la shong kyllaiñ myngngor kaba jarjar ban pyrshahjur halor ka jingshah batbor bad ka jingshah pyniap dusson kawei ka samla lud kaba dang 19 snem ka rta ha Hathras kaba don ha ka jylla Uttar Pradesh.

U bah James Lyngdoh, uba dei u Working President jong ka MPCC, u la pynrem jur ruh ia ka District Administration halor ka jingkyntait ka jong ki ban tohkit halor kane ka jingjia bad ki donkti ha kaban thang ia ka metiap kane ka samla lud khlem ka jingtip ki bahaing jong ka bad ha kajuh ka por ruh u la pynrem ia ka District Magistrate jong ka Hathras ba ki byrngem ia ki bahaing kane ka lanot ba kim dei ban ujor da ka ehjahar.

U bah James Lyngdoh u la ong ba ka sorkar ha Uttar Pradesh hapoh ka jingialam jong u Yogi Adityanathka la donkti ruh ha ka jingthombor ia u Rahul Gandhi bad ia ka Priyanka Vadra a ka por ba ki leit ban sngewlem ha iing jong kane ka lanot bad ka la pyni ia ka jingpheil ka sorkar ha kane ka jylla.