Pynlong jing iakhih ki nong pyniaid kali ha Khanapara, pyrshah ia ka sorkar Meghalaya

Guwahati: Hynnin ka sngi, ki dkhot jong ka All India Road Transports Workers Federation (AIRTWF), ki la pynlong ia ka jing iakhih paidbah ha Khanapara bad ka daw ka long ban pynpaw ia ka jing pyrshah jur jongki, ia ka sorkar Meghalaya.

Ki dkhot jong katei ka seng, ki pyrshah jur, halor ka jing khrong pisa kaba T.500 haduh T.3,000 na ka bynta ban test ia kiba leit rung sha Meghalaya, ha ka kyrteng jong ka khlam corona virus. Ym tang katta, ki pynpaw ruh ia ka jing pyrshah jur jongki, halor ka jing khanglad ka leit ka wan jongki kali sha Meghalaya.

Ki dawa ruh ia ka sorkar Assam, ba kan buh hi noh, ia la jong ka jaka test ha khappud jong ka Assam bad ka Meghalaya, khnang ba kiba wan rung sha Meghalaya, kim donkam ban siew pisa bad ban test ha ki jaka test jong ka Meghalaya, kiba remdor tasam.