Shillong: Ka ophis jong u District Sports Officer, East Khasi Hills District, Shillong ha ryngkat ka jingiatreilang bad ka ophis jong ka Deputy Commissioner, East Khasi Hills District, Shillong ka la Rakhe ia ka Rashtriya Ekta Diwas (National Unity Day) kaba dei ruh ka sngi kha u Sardar Vallabhai da kaba pynlong da ka Run For Unity 2019 ha ka 31tarik Risaw, 2019 kaba la sdang na Madan Iewrynghep (Fire Brigade Ground) naduh kapor 6.30 baje mynstep bad la pynkut pat ha V.I.P Gate J.N Stadium, Polo Shillong.
Ha kane ka jingiamareh la wan ia shim bynta kumba 250 ngut ki nongiamareh kynthei bad shynrang kiba kynthup naduh ki paidbah nongshong shnong bad ki shipai iada Ri. I Deputy Commissioner ka East Khasi Hills District Kong Matsiewdor War I la kaweh ia ka lama kum ka dak ka jingsdang ia kane ka jingiamareh.
Ki nongjop ha kane ka jingiamareh ki long kumne harum:-
Na bynta ki Shynrang (Open Category)
1st – Mudang Omo (Assam Rifle), 2nd – Kresstarjune Pathaw (Umthlong Nongthliew), 3rd – N.P Singh (Assam Rifle).
Na bynta ki Kynthei (Open Category)
1st –Dateibankynmaw Marwein (Mawlangwir), 2nd –Kyntiewmon Marwein (Mawlangwir), 3rd – Balarisha Thyrniang (Langkyrding Mihngi)
La sam ia ki khusnam ha madan Basketball Court, Polo Shillong ha kaba I Kong Matsiewdor War Nongbri, Deputy Commissioner ka East Khasi Hills District, i ba long I kongsan ha ryngkat ka jingiadonlang u Additional Deputy Commissioner ka East Khasi Hills District Bah M.Tongper, Director ka NYK Bah Inkhunguang Panmei, DSO ka East Khasi Hills District u bah Daniel Dann, Youth Co- ordinator ka NYK, Shillong Bah D.Rapsang bad kiwei de. La ioh ka jingkren na I Bah M.Tongper halor ka jingkhein kyrpang ia kane ka sngi bad hadien kata la pule ruh ia ka Rashtriya Ekta Diwas Pledge ba la ialam da I kongsan.
Kiba jop ha kane ka jingiamareh la ai hynniew hajar (Rs 7000/-) ia kiba wan nyngkong, san hajar (Rs 5000/-) ia kiba wan ba ar bad lai hajar (Rs 3000/-) ia kiba wan balai ha ryngkat ki trophies bad certificates.
Phi don ban ong eiei?