Pynlong ialap paidbah ka Jingiaseng kynthei Umroi

Shillong, 07 Naiwieng:
Ka Hospital Committee ka Jingiaseng Kynthei Umroi District bad ka Meghalaya AIDS Control Society (MACS), Shillong ka la pynlong ia ka jingpynshai paidbh ha ka 5 tarik Naiwieng, 2016 haka Balang Presbyterian Umroi Lumthehsei. La iashim bynta ha kane ka prokram da ki longkmie bad ki samla na ka district, nalor ki nongtrei ka (MACS), u Syiem ka Raid Mawbuh, Paiem WM Syiem bad u Rev. ER Kharkrang.
U Syiem ha ka jingkren plie jongu, u la pynpaw ia ka jingkmen ia ka Jingiaseng Kynthei kiba sngewthuh ia ka jingkhia ka jingkit ha ka pang ka shitom, kiba la pynlong ia kane ka prokram.
U la ong ba ha kine ki sngi, ki don jingpang bym pat lah ban pynkoit kum ka TB, Cancer, bad ka jingpang AIDS khamtam lada dier por. U la ong ba lyngba ka jingpynshai paidbah, ki briew ki dei ban sngewthuh ban nym shongkha pathar namar ba ka jingpang AIDS ka saphriang na kane ka jingshongkha pathar.
Katba ka Kong Mary Kharshyndon ka nongbatai na ka MACS, ka la ong ka la ong ba kane ka jingpang AIDS ka la saphriang na ka shongkha pathar, na u thyrnia ba injek ba ai snam bad ruh na ka kmie sha I khun. La pynlong ruh ia ka jingtest snam ha kane ka sngi ia ki paidbah ba wan sha katei ka sngi, la ong ka kyrwoh na u Pastor ER Kharkrang.