Pynlip ding biang ka MeCEL

Shillong,
22 Jymmang:
Ka MeCEL ka la sdang ban pynlip bor ding biang naduh ka sngi Hatmajai watla ka la weng noh ia ka jingpyn lip bording ha kine ki hyndiat sngi ba ladep.
Katkum ka thym mei khubor sorkar la iathuh ba ka MeCEL kam shym la pynlip bording namar ba ka Myntdu-Leshka Hydel Electrical Power Project (MLHEP) ka la pynmih bording pura na kadaw ba jur u slap ha Jaintia Hills.
“Ka sorkar jylla ka pahuh bording namar ba baroh kitei ki lai tylli ki unit jong ka MLHEP ki pynmih bording. Hynrei mynta dang kawei ka unit ka pynmih bording nmar ba duna slap ha Jaintia Hills ha kine ki hyndiat sngi ba ladep” , la ong ka thymmei khubor sorkar.
Katkum ka khubor la ong ba ka MeECL kam shym la ai kano kano ka jingpynbna namar ka jingpynjari ia ka jingpynlip bording ka long tang shipor.
“Ka jingpynlip bording yn sa weng noh hadien ba ladap ka pung Umiam,”, la ong ka thymmei khubor.